Гашуунсухайт-Ганцмод: Монгол, Хятадыг холбосон хоёр дахь төмөр зам эхэлнэ

Монгол Улс, БНХАУ-тай хийсэн стратегийн хэлэлцээрийн хүрээнд Гашуунсухайт-Ганцмод хил дамнасан төмөр зам барихаар боллоо. Энэ нь 1955 онд байгуулагдсан Замын-Үүд-Эрээн төмөр замаас хойших хоёр дахь төмөр замын холболт болох юм.

 Төмөр замын бүтээн байгуулалт

• Төслийн тендерийг энэ сард зарлаж, барилгын ажлыг тавдугаар сард эхлүүлэхээр төлөвлөж байна.
• Шаардлагатай 976 тэрбум төгрөгийг “Эрдэнэс Тавантолгой” санхүүжүүлнэ.
• Төмөр замыг 2027 он гэхэд ашиглалтад оруулах зорилготой.

 Нүүрсний экспортын өсөлт

• 2025-2029 онд 27 сая тонн,
• 2030 оноос жилд 20 сая тонноос дээш нүүрсийг Хятадад экспортлоно.
• Хэлэлцээр батлагдсанаар энэ онд 5 сая тонн нүүрс нэмэлтээр нийлүүлж, 400 сая ам.долларын нэмэлт орлого олох боломжтой.

Одоогийн логистикийн хүчин чадал хэтэрсэн тул шинэ төмөр замыг яаралтай барих шаардлагатайг салбарын сайд онцоллоо. Гашуунсухайт-Ганцмодын төмөр зам ашиглалтад орсноор нүүрсний экспорт шинэ шатанд гарч, Монголын эдийн засагт томоохон түлхэц болох нь гарцаагүй!