Түмэн Шувуут ХК хувьцаагаа эргүүлэн худалдан авахаар шийдвэрлэлээ

Түмэн Шувуут ХК нь Компанийн тухай хуулийн 49 дүгээр зүйлийн 49.1, 49.2, 49.4, 49.5, 55 дугаар зүйлийн 55.2, 76 дугаар зүйлийн 76.1.7, мөн компанийн дүрмийн 9 дүгээр зүйлийн 9.6.15-д заасан зохицуулалтуудыг үндэслэн хувьцаагаа эргүүлэн худалдан авах шийдвэр гаргалаа.

Тус компанийн Төлөөлөн Удирдах Зөвлөл 2025.03.14-ний өдрийн №06/2025 тоот тогтоолоор хувьцааны хөрвөх чадварыг нэмэгдүүлэх, ханшийг тогтворжуулах, хөрөнгө оруулагчдын ашиг сонирхлыг хамгаалах, эзэмшиж буй хөрөнгийн үнэ цэнийг өсгөх зорилгоор 1 тэрбум төгрөг хүртэлх үнийн дүнгээр хувьцааг эргүүлэн худалдан авахаар шийдвэрлэв.

Энэхүү үйл ажиллагаа 2025.05.01-нээс 12-р сарын 31-ны өдрийг хүртэл үргэлжлэх болно.

Компани өөрийн хувьцааг эргүүлэн худалдан авч, халааслах  нь хэд хэдэн стратегийн давуу талтай. Үүнд:

1. Хувьцааны ханшийг тогтворжуулах

  • Хэрэв компанийн хувьцааны үнэ зах зээл дээр унавал эргүүлэн худалдан авах нь эрэлтийг нэмж, ханшийг дэмжих нөлөө үзүүлнэ.
  • Хувьцааны хэт их нийлүүлэлтээс үүдэлтэй уналтыг зогсоож, хөрөнгө оруулагчдын итгэлийг нэмдэг

2. Нэгж хувьцаанд ногдох ашиг (EPS)-ийг өсгөх

  • Хувьцааны тоо буурснаар нэгж хувьцаанд ногдох ашиг (EPS) нэмэгдэнэ.
  • EPS өссөнөөр компанийн санхүүгийн үзүүлэлтүүд сайжирч, хөрөнгө оруулагчдын сонирхлыг татдаг.

3. Хөрөнгө оруулагчдын үнэ цэнийг нэмэгдүүлэх

  • Хувьцааны нийлүүлэлт багассанаар үлдсэн хувьцаа эзэмшигчдийн эзэмшлийн хувь нэмэгддэг.
  • Хэрэв компанийн бизнесийн үнэ цэн өсвөл хувьцааны ханш өсөх боломжтой.

---------------------------

Данс нээх, арилжаанд оролцох:

https://trader.golomtcapital.com/

7012-1530