Голомт Капитал ҮЦК ХХК

ХНС бодлогын хүүг 4.5%-д хэвээр нь хадгаллаа.

АНУ-ын эдийн засагт гаалийн тарифын өсөлт, эдийн засгийн саармагжилт зэрэг эрсдэл тулгарч байгаа тул Холбооны Нөөцийн Сангаас бодлогын хүүг хэвээр хадгаллаа.

Гэхдээ энэ онд хүүг бууруулах төлөвтэй байна. Тодруулбал, 2025 онд 0.5 хувиар хүүг бууруулах боломжтой гэж үзэж байгаа тул 2 удаагийн шийдвэрээр нийт 0.25 хувиар буурах төлөвтэй байна.

Мөн мөнгөний хатуу бодлогыг бага багаар зөөлрүүлж, бэлэн мөнгөний эргэлтийг сайжруулснаар зах зээлд эерэг дохио өгнө гэж үзэж байна.

Жером Пауэллын мэдэгдлээс онцлох нь:

Холбооны Нөөцийн Сангийн тэргүүн Жером Пауэлл Ерөнхийлөгч Трампын худалдааны бодлогын инфляцад үзүүлэх нөлөөг үнэлэх нь тун хэцүү гэдгийг онцлов. 2025 оны инфляцын таамаг өссөн нь шинэ засаг захиргаанаас хэрэгжүүлж эхэлсэн болон хүлээгдэж буй тарифуудтай холбоотой гэв.

Гол онцлох зүйлс:

Инфляцын өсөлтийн шалтгаан: Жером Пауэлл “Инфляцын өсөлтийн нэг томоохон хэсэг нь тарифуудаас үүдэлтэй ч тарифтай холбоогүй инфляцаас нарийвчлан ялгахын тулд эдийн засагчид цаашид судалгаа хийх шаардлагатай” гэв.
Шинэ төсөөлөл: Холбооны Нөөцийн Сангийн хамгийн сүүлийн төсөөллөөр, 2025 оны үндсэн инфляц 2.7%-д хүрэх төлөвтэй байна (өмнөх 2.5%-ийн таамгаас өндөр).
Тарифын нөлөө: Тарифын инфляцын нөлөөгөөр инфляцын бууралт удааширч болзошгүйг Пауэлл онцолсон ч "үндсэн төлөв нь түр зуурынх" гэсэн байр сууриндаа хэвээр байна.