Трамп Холбооны Нөөцийн Санд шахалт үзүүлэв

Дональд Трамп АНУ-ын ерөнхийлөгчөөр дахин сонгогдсоноос хойш Холбооны Нөөцийн сангийн (Фед) үйл ажиллагаанд оролцохоос зайлсхийж байсан ч одоо хүүг бууруулахыг ил тод шаардлаа.

Тэрээр Truth Social-д “АНУ-аас тогтоох тарифын бодлого нь эдийн засагт нөлөөлж эхлэхэд Фед ХҮҮГ БУУРУУЛБАЛ хамаагүй дээр байх болно. Зөв зүйлээ хийгээрэй. 4-р сарын 2 бол Америкийн Чөлөөлөлтийн өдөр!!!” гэж бичжээ.

Түүний мэдэгдлээс хэдхэн цагийн өмнө Фед бодлогын хүүг хэвээр үлдээсэн ч 2025 онд багтаж 2 удаа хүүг бууруулахаа зарласан юм.

 4 сарын 2 гэж юу вэ?

Энэ өдөр Трампын засаг захиргаанаас дэлхийн худалдааны талаарх судалгааны үр дүнг зарлаж тариф нэмэгдэх магадлалтай байгаа юм.

Фед-ийн дарга Жером Пауэллын байр суурь:

Фед-ийн дарга Жером Пауэлл тарифын нөлөөг тодорхойгүй гэж үзэж байгаа бөгөөд “Түр хугацаанд инфляц өсөх ч дараа нь намдах магадлалтай” хэмээн мэдэгджээ.

Эрсдэл ба хүлээлт:

• Хүүг бууруулах нь тарифтай хослоод инфляцыг улам нэмж болзошгүй.
• Зах зээл 6 сар хүртэл Фед хүү бууруулахгүй гэж таамаглаж байна.
• Фед-ийн шинэ таамаглалд дурдсанаар, дараагийн гурван жилд 1% орчим бууралтын зай байна гэж үзжээ.

 Дүгнэлт:
Трампын шинэ тарифын бодлого нь эдийн засагт дарамт авчрах тул хүүг бууруул гэсэн шахалт нь Фед-ийн хараат бус байдалд дахин заналхийлж эхэллээ.

---------------------------

Гадаад арилжаанд оролцох

https://forms.gle/3KQJBJAa44mQbb1q9

Данс нээх, арилжаанд оролцох:

https://trader.golomtcapital.com/

7012-1530