Trump-ийн компаниас гаргах криптовалютын ETF-Made in America
Дональд Трампын удирддаг Trump Media компани, Crypto.com-той хамтран биржээр арилжаалагдах Дональд Трамп сан (ETF) болон крипто бүтээгдэхүүн гаргах болсноо зарлав. Үүний дараа тус компанийн хувьцааны үнэ огцом өслөө.
“Made in America” сэдэвт шинэ ETF-үүд
Эдгээр ETF-үүдийг Trump Media-ийн санхүүгийн технологийн брэнд "Truth.Fi" хариуцан зах зээлд гаргах юм байна. Харин хөгжүүлэлтийг нь Crypto.com болон түүний АНУ-ын охин компани Foris Capital хамтран хийж байна.
- ETF-д орох хөрөнгүүд: Биткойн, Cronos (Crypto.com-ийн токен), эрчим хүчний салбарын хувьцаанууд багтана.
- Хүртээмж: ETF-үүдийг Европ, Ази зэрэг дэлхийн зах зээлд гаргаж, томоохон брокерын платформууд болон Crypto.com апп-д (140 сая хэрэглэгчтэй) нэвтрүүлэх төлөвлөгөөтэй байна.
- Онцлог: “Made in America” гэсэн сэдвийн хүрээнд АНУ-ын эдийн засгийн салбаруудтай уялдсан крипто болон хувьцааны ETF-үүдийг бүтээнэ.
Trump Media-ийн зах зээлийн байдал
Trump Media нь Truth Social платформыг ажиллуулдаг ч 2025 онд санхүүгийн хүндхэн байдалд орсон. Компани жилийн орлого ердөө $3.6 сая байсан ч $400 саяын алдагдал хүлээжээ.
Хувьцааны үнэ нь он гарснаас хойш 38%-иар унасан ч шинэ крипто санаачилга нь хөрөнгө оруулагчдад найдвар төрүүлж байна.
Хэрэв зохицуулагч байгууллагуудаас зөвшөөрөл авбал Trump Media-ийн ETF-үүд энэ оны сүүлчээр зах зээлд гарах төлөвтэй.
https://forms.gle/3KQJBJAa44mQbb1q9
https://trader.golomtcapital.com/
7012-1530
Энэ мэдээнд өгөх таны үнэлгээ
-
Таалагдсан
-
Хөгжилтэй
-
Яахавдээ
-
Гунигтай
-
Таалагдсангүй