OpenAI, SpaceX зэрэг компанид $5,000-аас эхлэн хөрөнгө оруулах боломжтой

Wall Street Journal-ын мэдээлснээр хөрөнгө оруулагчид EquityZen, Forge Global зэрэг арилжааны платформуудын өөрчлөлтийн ачаар OpenAI, SpaceX зэрэг нэр хүндтэй хувийн компаниудад ердөө $5,000-аас эхлэн хөрөнгө оруулах боломжтой болжээ.

Forge болон EquityZen нь хувьцаагаа зарж хөрөнгөжихийг хүссэн компанийн ажилчид болон анхны хөрөнгө оруулагчдыг эрсдэл хүлээж чадах итгэмжлэгдсэн хөрөнгө оруулагчидтай холбодог.

Түүнчлэн, эдгээр платформ нь нэг компанид чиглэсэн хөрөнгө оруулалтын сангуудыг санал болгож, бага хэмжээний хөрөнгө оруулалт хийх боломжийг нээдэг юм.

Өмнө нь хувийн компанийн хувьцааны хоёрдогчийн  арилжаанд оролцоход хэдэн арав, зуун мянгаар тоологдох долларын доод босго тавьдаг байсан.

Тиймээс арилжаа нь их хэмжээний хөрөнгөтэй, байгууллагын хөрөнгө оруулагчид болон баячуудын хүрээнд хязгаарлагддаг байсан юм.

Харин дээрх платформуудын хөгжүүлэлтийн үр дүнд босго дүн буурснаар 30 их наяд долларын зах зээл рүү хөрөнгө оруулагчид анхаарлаа хандуулж эхэллээ.

Мөн дээрх арилжааны платформууд нь Yahoo Finance-тэй хамтран IPO-оос өмнөх 100 орчим компанийн мэдээллийг нийтэд хүргэхээр болжээ.

Гэхдээ энэ мэдээлэл нь ихэнхдээ хуучирсан буюу IPO-ийн үеийн дүн дээр үндэслэгддэг.

Үүнийг Forge шийдэхийн тулд, платформ дээрх худалдах, худалдан авах саналын идэвхид үндэслэсэн өдөр тутмын үнэлгээний системийг боловсруулжээ.

Хэдийгээр хувийн компаниуд нь өндөр ашиг өгдөг ч тодорхой эрсдэлүүд бий. Үүнд:

  • Хөрвөх чадвар багатайгаас гадна мэдээллийн ил тод байдал, санхүүгийн тайлангийн шаардлага муу байдаг.
  • Хувийн хувьцааны арилжаанд оролцох нь нээлттэй хувьцааны арилжаатай адил хялбар биш. Гүйлгээ хийхэд хэдэн өдөр шаардагдаж, ихэвчлэн 6 сар үргэлжилдэг бөгөөд гүйлгээний шимтгэл нь 2-5% хооронд хэлбэлздэг юм.

Гадаад арилжаанд оролцох

https://forms.gle/3KQJBJAa44mQbb1q9

Данс нээх, арилжаанд оролцох:

https://trader.golomtcapital.com/

7012-1530