Уул уурхайн биржийн нүүрсний арилжаанд тулгарч буй Асуудал-Шийдэл

Монгол Улс 2025 онд 83 сая тонн нүүрс экспортлох зорилт тавьсан ч хөрөнгийн биржээр дамжуулан нүүрс худалдаж авах санал бага байгаа нь хэд хэдэн шалтгаантай.

I. Биржийн арилжааны нөхцөл ба эрсдэлийн нөлөө

• Нүүрсийг биржээр худалдаж авах үед төлбөрөө бүрэн хийсний дараа нүүрсээ хүлээн авах хүртэлх хугацаа урт байдаг.
• Энэ хугацаанд зах зээлийн үнэ өөрчлөгдөх эрсдэлтэй тул худалдан авагчид алдагдал хүлээхээс болгоомжилж байна.

II. Дуудлага худалдааны системийн хөгжөөгүй

• Одоогоор худалдагч, худалдан авагчид тохиролцсон үнээр арилжаа хийх боломж хязгаарлагдмал байна.
• Өрсөлдөхүйц үнийн тогтолцоо бүрэн хөгжөөгүй тул худалдан авагчид биржийн арилжаанд оролцох сонирхол буурчээ.

III. Хятадын зах зээлийн тодорхойгүй байдал

• Үл хөдлөх хөрөнгийн салбарын уналт, гангийн зах зээлд үүссэн тодорхойгүй байдал нүүрсний эрэлтэд сөргөөр нөлөөлж байна.
• Худалдан авагчид эрсдэлээс зайлсхийх хандлагатай болсон нь биржийн арилжаанд шууд нөлөөлж байна.

IV. Гэрээний шууд борлуулалт давамгайлах байдал

• БНХАУ-ын томоохон компаниуд нүүрсийг биржээр бус шууд гэрээний дагуу худалдаж авах сонирхолтой байна.
• Энэ нь биржийн арилжааны идэвхийг бууруулж, худалдан авагчдыг гэрээний худалдааг илүүд үзэхэд хүргэж байна.

V. Логистикийн саад бэрхшээл

• Хил, гаалийн саатал, дэд бүтцийн хязгаарлалт зэрэг асуудлууд биржийн арилжаанд сөргөөр нөлөөлж байна.
• Тээврийн тогтвортой байдал хангагдаагүй тохиолдолд худалдан авагчид биржийн арилжаанд орохоос татгалзах магадлалтай.

VI. Шийдвэрлэх шаардлагатай

1. Биржийн арилжааны нөхцөлийг сайжруулах – Худалдан авагчдад төлбөр, хүргэлтийн илүү уян хатан нөхцөл санал болгох
2. Дуудлага худалдааны системийг хөгжүүлэх-Илүү ил тод, өрсөлдөхүйц үнээр арилжаа хийх боломжийг бүрдүүлэх
3. Логистикийн саад бэрхшээлийг шийдвэрлэх-Хил гаалийн зохицуулалтыг сайжруулж, тээврийн дэд бүтцийг хөгжүүлэх шаардлагатай байна.

---------------------------

Данс нээх, арилжаанд оролцох:

https://trader.golomtcapital.com/

7012-1530