“ХАРМАГТАЙН” ЗЭС АЛТНЫ ТӨСЛИЙН УДИРДЛАГЫГ ХЯТАДЫН "ZIJIN MINING" КОМПАНИД ШИЛЖҮҮЛЛЭЭ

Австралийн хөрөнгийн биржид бүртгэлтэй “Xanadu Mines” компани Монгол дахь “Хармагтай” зэс-алтны төслийн үйл ажиллагааны удирдлагыг Хятадын “Zijin Mining Group” компанид шилжүүлжээ.

 

Төслийн дэвшилтүүдээс дурдвал:

• 2024 онд төслийн хайгуул болон ТЭЗҮ-д ахицтай ажиллаж, 17.2 сая австрали долларын хөрөнгө оруулалт хийсэн бөгөөд алдагдал нь өмнөх оноос буурсан байна.
• Уурхайн ашиглалтын хугацаа 29 жил, жилд дунджаар 75 мянган тонн зэс, 165 мянган унц алт үйлдвэрлэх тооцоо гарчээ.
• Хүдэр дэх зэсийн агуулга 0.21%, алтны агуулга 0.17 гр/тонн.
• Уурхай, үйлдвэр, дэд бүтцэд 840–930 сая ам.долларын хөрөнгө оруулалт шаардлагатай бөгөөд хөрөнгө оруулалтаа 4–5 жилийн дотор нөхнө гэж үзэж байна.

“Zijin Mining” нь:

• 2024 онд Хармагтай төслийн хайгуулд 35 сая ам.долларын санхүүжилт олгосон.
• Цаашид инженерчлэл, бүтээн байгуулалт, ашиглалтад хүлээлгэн өгөх бүх ажлыг хариуцахаар болсон.

“Xanadu Mines” одоогоор төслийн 38.25%-ийг эзэмшиж байгаа бөгөөд:

• Төслийн эцсийн ТЭЗҮ болон хөрөнгө оруулалтын эцсийн шийдвэр (FID) гарсны дараа, хувиа хадгалах уу, санхүүжилт татах уу, эсвэл бүрэн зарах уу гэдэгт стратегийн шийдвэр гаргах юм.