Intel компани чип үйлдвэрлээ сэргээнэ

Intel (INTC) болон TSMC (TSM) хоёр компани Intel-ийн хүндхэн байдалд ороод буй чип үйлдвэрлэлийн бизнесийг сэргээх зорилгоор хамтран ажиллах урьдчилсан тохиролцоонд хүрчээ.

Энэхүү хэлэлцээрийн хүрээнд Intel болон бусад АНУ-ын хагас дамжуулагчийн компаниудыг нэгтгэн нэгдсэн том чип үйлдвэрлэлийг үйлдвэр байгуулахаар болллоо.

Төлөвлөж буй хэлэлцээрийн дагуу:

• TSMC Intel компанийн 20%-ийг эзэмшинэ.
• Үүний хариуд TSMC Intel-д чип үйлдвэрлэлийн туршлага, сургалтын дэмжлэг үзүүлнэ гэж мэдээлжээ.

Гэсэн хэдий ч хэлэлцээр одоо болтол албан ёсоор батлагдаагүй бөгөөд үр дүнд хүрэх эсэх нь тодорхойгүй хэвээр байна.

Intel-ийн өмнөх Гүйцэтгэх захирал Пэт Гелсингер тус компанийг TSMC шиг гуравдагч талд зориулсан чип үйлдвэрлэгч болгох зорилго тавьсан ч, уг салбар нь 2024 онд 13.4 тэрбум ам.долларын алдагдал хүлээгээд байгаа юм. Intel 2027 он хүртэл ашигт ажиллагаанд хүрэхгүй гэж мэдэгдсэн.

TSMC бол дэлхийн хамгийн том чип үйлдвэрлэгч бөгөөд сүүлийн жилүүдэд дэвшилтэт чип үйлдвэрлэлээр Intel-ийг гүйцсэн. Тус компани нь AMD, Nvidia, Apple зэрэг Intel-ийн өрсөлдөгчдийн чипийг үйлдвэрлэдэг.

Нөгөө талаас, Intel өөрийн үйлдвэрүүдээр Microsoft болон Amazon-ийн захиалгат чипүүдийг үйлдвэрлэх гэж байгаа ч энэ нь одоогийн хүнд нөхцөл байдлыг хангалттай нөхөж чадахгүй байна.