Хас банк 3.5 тэрбум төгрөгөөр хувьцаагаа буцаан худалдан авахаар боллоо

2025 оны 4-р сарын 4-ний өглөө — [MSE:XAC] Хас банк ХК хөрөнгийн зах зээл дээрээс нийт 3.5 тэрбум төгрөгийн санхүүжилтээр 4.0 сая ширхэг хүртэлх хувьцаагаа буцаан худалдан авч, дахин халааслах (buyback) шийдвэрээ албан ёсоор зарлалаа.

Худалдан авалтын гол нөхцөлүүд:

• Хугацаа: 6 сар
• Дээд хэмжээ: 4.0 сая ширхэг хувьцаа
• Нийт зардал: 3.5 тэрбум төгрөг
• Нэгж хувьцааны дээд үнэ: 888.0 төгрөг

Энэхүү шийдвэр нь Хас банкны хувьцааны үнэ цэнийг дэмжих, хөрөнгө оруулагчдын итгэлийг хадгалах зорилготой алхам гэж үзэж болох юм.

 Өмнөх buyback түүх:

Хас банк өмнө нь 2024 оны 11-р сард ч мөн ижил төстэй шийдвэр гаргаж байсан бөгөөд тэр үед:

• 1.75 тэрбум төгрөгөөр
• 2.2 сая ширхэг хүртэлх хувьцаа эргүүлэн авах зорилт тавьж байжээ.

Одоогийн зах зээлийн нөхцөл байдал:

• Хас банкны хувьцаа өнөөдрийн байдлаар 851.01₮ төгрөгийн ханштай арилжигдаж байна.
• Тус хувьцааны сүүлийн хугацааны хамгийн өндөр ханш нь 899.85₮-т хүрч байсан.
• Харин шинэ буцаан худалдан авалтын санал болгож буй дээд үнэ болох 888.0₮ нь одоогийн зах зээлийн ханшаас өндөр байгаа нь богино хугацаанд хувьцааны үнийг дэмжих хүчин зүйл болж байна.
• Хөрөнгө оруулагчдад ямар ач холбогдолтой вэ?

Buyback буюу хувьцаагаа эргүүлэн худалдан авах үйл ажиллагаа нь:

• Нийт эргэлтийн хувьцааны тоог бууруулах замаар хувьцааны үнэ цэнийг өсгөхөд нөлөөлж болдог.
• Хөрөнгө оруулагчдад эерэг дохио өгөх (компани өөрийн хувьцааг үнэ цэнтэй гэж үзэж байна гэсэн мессеж).
• Хас банкны энэ алхам нь зах зээлд өөртөө итгэлтэй байгаагийн илрэл хэмээн зарим шинжээчид тайлбарлаж байна.