АНУ-ын MP Materials Хятадад Газрын ховор элемент нийлүүлэхээ зогсоов

2025 оны 4-р сарын 17-нд MP Materials компани АНУ-ын цорын ганц газрын ховор элементийн уурхай болох Mountain Pass уурхайгаас олборлосон баяжмалаа Хятад руу экспортлохоо зогсоосноо мэдэгдэв. Учир нь Бээжин АНУ-ын тарифын хариуд импортын татварыг 125% болгон нэмэгдүүлсэн байна. Энэ нь компанийн орлогын гол эх үүсвэрийг тасалдуулж, хувьцааны үнэ нь даруй 5%-иар унажээ.

MP Materials нь өмнө нь олборлосон баяжмалаа Хятадын Shenghe Resources компанид "take or pay" гэрээгээр нийлүүлдэг байсан ба энэхүү түнш нь тэдний 4 дэх том хувьцаа эзэмшигч юм. 2024 онд компанийн нийт орлогын 70% нь энэ баяжмалын борлуулалтаас бүрдсэн байна. Харин одоо баяжмалынхаа бараг талыг АНУ-д (Калифорнид) боловсруулж, Хятадаас гадуурх зах зээлд борлуулж эхлээд байгаа ажээ.

MP компани мөн Техас мужид соронзон материалын үйлдвэр байгуулах ажил эхлүүлээд байгаа бөгөөд АНУ-ын ашигт малтмалын боловсруулах чадамжийг нэмэгдүүлэх Засгийн газрын дэмжлэгт найдаж байгаагаа илэрхийлжээ.

Мөн өдөр MP-ийн өрсөлдөгч компаниудын хувьцааны ханш ч мөн унасан бөгөөд:

• USA Rare Earth -10%
• NioCorp -25%
• Ucore -15%