ХЯТАД АНХНЫ 10G СҮЛЖЭЭГ НЭВТРҮҮЛЛЭЭ

Huawei болон China Unicom компаниуд Хэбэй мужийн Суань хотод Хятадын анхны 10G өргөн зурвасын сүлжээг амжилттай нэвтрүүлжээ.

Энэхүү сүлжээ нь 50G PON (Passive Optical Network) хэмээх хамгийн сүүлийн үеийн технологид суурилж байгаа бөгөөд энэ нь шилэн кабелийн дэд бүтцийн гол цөмийг шинэ түвшинд аваачиж байна. Ингэснээр интернетийн хурд уламжлалт гигабит түвшнээс 10G буюу 10 дахин өндөр түвшинд хүрч, хожимдол ердөө 3 миллисекунд болж эрс буурчээ.

Энэ түүхэн нээлт нь Хятадын дижитал дэд бүтцийн томоохон дэвшил болж, супер хурдан, бага хожимдолтой интернетийн шинэ эрин үеийг эхлүүлж байна.