META, MICROSOFT-ын ТАЙЛАН ЗАХ ЗЭЭЛД ИТГЭХ ИТГЭЛИЙГ НЭМЭГДҮҮЛЭВ

Технологийн хоёр аварга болох Meta болон Microsoft 2025 оны эхний улирлын тайлангаа танилцуулсны дараа хөрөнгө оруулагчдын итгэлийг дахин сэргээж, хувьцааны ханш огцом өсөв.

Meta Platforms-ийн хувьцаа тайлангийн дараа бараг 3%-иар өссөн бөгөөд тэдний нэгж хувьцаанд ногдох ашиг $6.43 болж, шинжээчдийн урьдчилсан $5.28-ын таамгаас давжээ. Орлого нь $42.31 тэрбум хүрсэн нь мөн $41.40 тэрбумын хүлээлтээс давсан үзүүлэлт байв.

Meta энэ жилийн зардлын төсөөллөө $113–$118 тэрбум болгон бууруулсан ч 2025 оны хөрөнгө оруулалтын төлөвлөгөөгөө $64–$72 тэрбум болгон нэмэгдүүлсэн байна. Энэ өсөлтийн гол шалтгаан нь хиймэл оюун ухаан (AI)-ын стратегийг дэмжих мэдээллийн төвүүд болон дэд бүтцийн хөрөнгө оруулалтыг нэмэгдүүлсэнтэй холбоотой.

Нөгөө талаас, Microsoft нь тайлангаа танилцуулсны дараа хувьцаа нь 6% орчим өсчээ. Энэхүү өсөлтийг Azure үүлэн үйлчилгээний 33%-ийн орлогын өсөлт дэмжсэн бөгөөд энэ нь шинжээчдийн 29.7%-ийн хүлээлтээс илүү гарсан байна.

Azure багтдаг “Intelligent Cloud” хэсэг нийт $26.8 тэрбумын орлого олсон нь $26.17 тэрбум гэсэн таамгаас давсан үзүүлэлт байв.

Эдгээр тайлангууд нь сүүлийн үед зах зээлд давамгайлсан хиймэл оюун ухааны эрэлт сулрах вий гэсэн болгоомжлол болон АНУ-ын шинэ тарифуудтай холбоотой эдийн засгийн тодорхойгүй байдлыг тодорхой хэмжээнд саармагжуулсан хэрэг болов.