SUPER MICRO COMPUTER INC-ИЙН ХУВЬЦААНЫ ХАНШ 7.9%-ИАР ӨССӨН ШАЛТГААН

Шалтгаан нь Super Micro Computer Inc. (NASDAQ: SMCI) компани Саудын Арабын дата төвийн оператор DataVolt компанитай олон жилийн хугацаатай 20 тэрбум ам.долларын стратегийн түншлэл байгуулсантай холбоотой.

Ингэснээр тус компанийн хувьцааны ханш нь 7.9%-иар өслөө.

Томоохон цар хүрээтэй тооцооллын дэд бүтцийн хэрэглээг тогтвортой хурдасгах зорилготой тус гэрээний хүрээнд Supermicro компани нь:

• Өндөр нягтрал бүхий GPU платформууд
• Шингэн хөргөлтийн системүүд нийлүүлж
• DataVolt-ийн Саудын Араб болон АНУ-д хэрэгжүүлэх hyperscale AI төвүүдийг дэмжих юм.

DataVolt-ийн Гүйцэтгэх захирал Ражит Нанда энэ хамтын ажиллагаанд Ерөнхийлөгч Трамп болон Саудын Арабын хунтайж Мухаммед бин Салман нарын дэмжлэг нь бизнесийн таатай орчныг бүрдүүлж буйг тэмдэглэжээ.

Мөн “Supermicro-той хамтарснаар, АНУ-д үйлдвэрлэсэн GPU системийн нийлүүлэлтийн найдвартай сүлжээтэй болж, хөрөнгө оруулалтын төлөвлөгөөг эрчимтэй хэрэгжүүлэх боломжтой боллоо” гэжээ. Хоёр компани энэхүү гэрээг:

• Сэргээгдэх эрчим хүч
• Дэвшилтэт серверийн технологи
• Олон улсын стратегийн хамтын ажиллагааг уялдуулсан урт хугацааны түншлэл хэмээн тодорхойлсон байна.

DataVolt нь өөрийн hyperscale төвүүдийг:

• Гигаваттын түвшний сэргээгдэх эрчим хүч,
• Тэг хүлэмжийн ялгаралттай ногоон устөрөгчөөр бүрэн ажиллуулах зорилготой байна.