MOODY’S АНУ-ЫН ЗЭЭЛЖИХ ЗЭРЭГЛЭЛИЙН ҮНЭЛГЭЭГ БУУРУУЛАВ.

Дэлхийн тэргүүлэгч үнэлгээний агентлаг болох Moody’s Investors Service нь АНУ-ын зээлжих зэрэглэлийг нэг шатаар бууруулж Aaa → Aa1 болгов. Энэ нь тус улсын урт хугацааны санхүүгийн эрүүл мэндэд тодорхой “анхааруула”  дохиог өглөө.

Moody’s-оос мэдэгдэхдээ, АНУ нь:

• Тасралтгүй төсвийн алдагдалтай
• Өр, хүүгийн түвшин хурдтай өсөж буй
• Төсвийн бодлогын хэтийн төлөв нь ижил зэрэглэлтэй орнуудтай харьцуулахад “мэдэгдэхүйц муу” байгааг дурдсан байна.

Уналтын шалтгаанууд:

1. Өсөж буй халамжийн зардал: Medicare болон Social Security зэрэг нийгмийн халамжийн хөтөлбөрүүдэд ахмад настай хүн амын тоо өсөхийн хэрээр төсвийн дарамт нэмэгдэнэ.
2. Хүүгийн төлбөр огцом өсөж байна: Холбооны өрөнд ногдох хүүгийн зардал өссөөр байгаа нь төсвийн алдагдлыг улам тэлж, төсвийн уян хатан байдлыг багасгаж байна.
3. АНУ-ын өрийн түвшин, хүүгийн харьцаа: Эдгээр үзүүлэлтүүд нь одоогоор хамгийн өндөр зэрэглэлтэй орнуудын дундах хамгийн муу үзүүлэлтийн нэг болжээ.

Moody’s-оос өмнө Fitch Ratings агентлаг 2023 онд АНУ-ын зээлжих зэрэглэлийг бууруулсан юм. Шалтгаан нь:

• Улс төрийн мухардал
• Өрийн таазны эрсдэ,
• Бодлогын тодорхой бус байдал байв.