ХНС бодлогын хүүг энэ удаад хэвээр үлдээж 9 сард бууруулна

АНУ-ын инфляц аажмаар буурч байгаа ч эдийн засгийн тодорхой бус байдал үргэлжилж байгаа учраас Холбооны Нөөцийн Сан (Federal Reserve) бодлогын хүүг 4 дэх удаагаа өөрчлөлгүй хадгалах төлөвтэй байна.

Тиймээс Fed-ийн дарга Жером Пауэллыг эдийн засгийн төлөв, бодлогын цаашдын чиглэлийн талаар зах зээлд тодорхой дохио өгөх хүлээлт өндөр байна.

Тогтворгүй үзүүлэлтүүд ба гадаад эрсдэл

Сүүлийн саруудад инфляцын түвшин зорилтот 2 хувьд аажмаар дөхөж байгаа ч хэрэглээний үнийн индекс болон хөдөлмөрийн зах зээл тогтворгүй хэвээр байгаа юм.

Мөн геополитикийн хурцадмал байдал, худалдааны эрсдэл, нийлүүлэлтийн сүлжээний хүндрэлүүд нэмэгдэж байгаа нь эдийн засгийн өсөлтөд тодорхойгүй байдал үүсгэж байна. Тухайлбал, ОХУ-Украйны дайн, Хятад-АНУ-ын худалдааны зөрчил, дэлхийн эрчим хүчний үнэ зэрэг нь дунд хугацаанд инфляцад дарамт үзүүлэх эрсдэлтэй.

"Higher for longer" буюу өндөр хүүг хадгалах бодлого

Тиймээс Холбооны Нөөцийн Сан “өндөр хүүг удаан хугацаанд хадгалах” (higher for longer) бодлогыг үргэлжлүүлэн баримтлах хандлагатай байгаа юм.

Хэт эрт хүү бууруулах нь инфляцыг дахин өдөөх эрсдэлтэй тул Fed нь инфляцын тогтвортой бууралтыг баталгаажтал хүлээх байр суурьтай байна. Зах зээл хүүгийн буурахыг 2024 оны сүүлчээс эхлэн хүлээж байгаа ч энэ нь эдийн засгийн өгөгдлөөс хамааран өөрчлөгдөж мэдэх юм.

Дэлхийн эдийн засагт үзүүлэх нөлөө

Fed-ийн хүүгийн бодлого нь зөвхөн АНУ-ын эдийн засагт бус, дэлхийн санхүүгийн урсгал, хөгжиж буй орнуудын ханшийн тогтвортой байдал, хөрөнгө оруулалтын шийдвэрүүдэд хүчтэй нөлөө үзүүлдэг.

Тиймээс энэхүү “хүлээлтийн горим”-ыг хадгалах нь зах зээлийн хувьд богино хугацаанд тодорхойгүй байдал үүсгэж болох ч дунд хугацааны тогтвортой байдлын суурийг тавьж болзошгүй юм.