Алтны нөөц нэмэгдэж, ам.долларын ханшийг унагаав

Дэлхийн төв банкнууд түүхэн дээд хэмжээний хурдаар алт худалдан авч байна. Үүнээс болж АНУ-ын долларын нөөц буурна гэсэн таамаглал байна.

Судалгаа: Төв Банкнуудын итгэл АЛТ руу шилжиж байна 

Тодруулбал, Дэлхийн Алтны Зөвлөлөөс хийсэн судалгаанд төв банкнуудын:

• 95% нь ирэх 12 сарын хугацаанд дэлхийн алтны нөөц өснө гэж хариулжээ.

• Харин 43% нь өөрсдийн нөөцөө нэмэхээр төлөвлөж буй нь түүхэн дээд үзүүлэлт юм.

• Мөн төв банкнуудын 73% нь ирэх 5 жилд АНУ-ын ам.долларын эзлэх хувь дунд зэрэг буюу мэдэгдэхүйц хэмжээгээр буурна гэж үзжээ.

Эсрэгээрээ евро (€) болон юань (¥) зэрэг бусад валютын эзлэх хувь нэмэгдэх хандлагатай байна.

Ам.долларын уналт ба Шилжилтийн шалтгаанууд 

2025 оны эхний хагаст АНУ-ын долларын индекс 9%-иар унасан.

Ингэснээр ам.долларын дэлхийн ноёрхлыг ганхуулж, геополитикийн хурцадмал байдал, худалдааны дайны сүүдэр нь хөрөнгө оруулагчдын итгэлийг сулруулсан.

Мөн АНУ-ын төсвийн алдагдлаас үүдэлтэй түгшүүр нь Европ, Ази тивийн валют руу эрэлт өсөхөд нөлөөлж, гадаадын эдийн засгийн тэлэлт болон илүү таатай үнэлгээтэй хөрөнгийн зах зээл рүү чиглэх хандлагыг улам нэмж байна.