Газрын тосны үнэ огцом уналаа

Сүүлийн 24 цагт Ойрхи Дорнодын геополитикийн нөхцөл байдал огцом өөрчлөгдсөнөөр газрын тосны үнийн өсөлтийг дэмжиж байсан нийлүүлэлтийн эрсдэл ариллаа.

 Гол шалтгаанууд:

• Дүр эсгэсэн хариу цохилт: Ираны зүгээс АНУ-ын Катар дахь цэргийн бааз руу хариу цохилт өгсөн ч энэ нь урьдчилан анхааруулсан, цэргийн хохиролгүй, дүр эсгэсэн үйлдэл байв. Зах зээл үүнийг хурцадмал байдлыг намжаах алхам гэж дүгнэсэн.

• Гал зогсоох тохиролцоо: Удалгүй Израил, Иран хоёр АНУ-ын зуучлалаар гал зогсоох тохиролцоонд хүрсэн нь үнийн өсөлтийн гол шалтгаан болсон геополитикийн эрсдэлийг богино хугацаанд арилгасан юм.

Зах зээлийн хариу үйлдэл:

Үүний улмаас Brent төрлийн газрын тосны үнэ даваа гарагт бараг 14 ам.доллараар унаж, 2022 оны 7 сараас хойших нэг өдрийн доторх хамгийн их уналтыг үзүүлэв.

Сүүлийн 12 хоногийн турш хуримтлагдсан эрсдэлийн нэмэгдэл зах зээлээс арилж, үнэ өмнөх түвшиндээ буцлаа.

Цаашдын төлөв: Тогтворгүй байдал үргэлжилнэ

Хэдийгээр гал зогсоох хэлэлцээр хийгдсэн ч зах зээлд хэд хэдэн эсрэг тэсрэг хүчин зүйл нөлөөлсөөр байна:

Үнийг өсгөж болзошгүй хүчин зүйлс:

• Дахин хурцдах эрсдэл: Хойд Израил руу пуужин хөөргөсөн гэх мэдээлэл гарснаар Израилын зэвсэгт хүчин Тегераныг цохих тушаал авснаа мэдэгдсэн.

Үнийг бууруулж болзошгүй хүчин зүйлс:

• Нийлүүлэлтийн өсөлт: OPEC+ үйлдвэрлэлээ нэмэх шийдвэр гаргасан нь нийлүүлэлт хангалттай байхаар байна.

• Макро эдийн засгийн нөлөө: АНУ–БНХАУ-ын худалдааны маргаан болон эдийн засгийн өсөлт буурах зэрэг макро эрсдэлүүд үнэ хэлбэлзэхэд нөлөөлсөөр байгаа юм.

Хөрөнгө оруулагчдын болгоомжлол ба ирээдүйн таамаг:

Сүүлийн огцом хэлбэлзэл нь богино болон урт хугацааны хөрөнгө оруулагчдын аль алинд нь алдагдал авчирсан тул зах зээлд болгоомжлол давамгайлж, томоохон байршуулалт хийх сонирхол сул байна.

Шинжээчдийн дүгнэлт: Зуны улиралд арилжааны идэвх буурдаг тул газрын тосны арилжаа 8 сарын сүүлээр л сэргэх магадлалтай гэж үзэж байна.