Топ Wall Street шинжээчид ногдол ашиг сайн олгодог 3 хувьцааг нэрлэв

Шинжээчид зах зээл савлахад тогтвортой орлого олоход тань дараах 3 компанийн сайн ногдол ашиг олгодог хувьцаа туслана гэж үзэж байна.

1. McDonald’s (MCD)

• Ногдол ашиг: Жилд нэгж хувьцаанд 7.08 доллар

• Өгөөж: 2.4%

McDonald’s нь сүүлийн 49 жил дараалан дивидентээ нэмсэн бөгөөд үнэ цэн, шинэчлэл, сурталчилгаа зэрэгт хүчтэй байр суурь эзэлдэг. Иймд эдийн засаг тодорхойгүй үед ч сайн үзүүлэлттэй байх боломжтой гэж шинжээчид үзэж байна. Jefferies-ийн шинжээч MCD-г 360 доллар хүртэл өснө гэж харж байна.

2. EPR Properties (EPR)

• Ногдол ашиг: Жилд нэгж хувьцаанд 3.54 доллар

• Өгөөж: 6.2%

Энэхүү REIT (Үл хөдлөх хөрөнгийн итгэлцлийн сан) нь кино театр, зугаа цэнгэлийн газруудад хөрөнгө оруулдаг. Сүүлийн үед хөрөнгийн өртөг буурч, илүү ашигтай хөрөнгө оруулалт хийх боломжтой болсон. Stifel-ийн шинжээч уг хувьцааг 65 доллар хүрнэ гэж таамаглаж байна.

3. Halliburton (HAL)

• Ногдол ашиг: Жилд нэгж хувьцаанд 0.68 доллар

• Өгөөж: 3.3%

Газрын тосны үйлчилгээний энэ компанийн орлогын 60% нь олон улсаас ордог тул АНУ-ын зах зээлийн богино хугацааны эрсдэл бага нөлөөлнө гэж үзжээ. Мөн өөрийн Zeus технологи, цахилгаан шийдлүүдээрээ зах зээлд ялгарч байгаа юм. Goldman Sachs-ийн шинжээч 24 доллар хүрнэ гэж таамаглаж байна.

Дүгнэлт

Эдгээр хувьцаанууд нь тогтмол ногдол ашиг төлөлттэй, сайн мөнгөн урсгалтай тул урт хугацааны хөрөнгө оруулалтад тохиромжтой гэж үзэж байна.

Анхааруулга: Энэхүү мэдээлэл нь санхүүгийн зөвлөгөө биш бөгөөд хөрөнгө оруулалтын шийдвэрийг та өөрөө судлан, эрсдэлээ тооцож гаргана уу.