Fourth of July – АНУ-ын Тусгаар тогтнолын өдрийн баярын нөлөө

АНУ-ын түүхэн чухал баярууд болох Долдугаар сарын 4 буюу Тусгаар тогтнолын өдөр, Талархлын өдөр, Зул сар, Шинэ жил зэрэг нь зөвхөн соёл, түүхийн онцгой тэмдэглэл биш, мөн хөрөнгийн зах зээлийн үйл ажиллагаанд бодитой нөлөө үзүүлдэг чухал үеүүд юм.

Ихэнх хүмүүст эдгээр баяр нь амралт, гэр бүл, баяр хөөрийн цаг мөч болдог бол хөрөнгө оруулагчид болон арилжаачдын хувьд — энэ нь зах зээлийн онцгой нөхцөл үүсдэг үе юм. Эдгээр өдрүүдэд арилжааны цаг багасах, зах зээлийн идэвх сулрах, үнийн хэлбэлзэл өөрчлөгдөх зэрэг үзэгдлүүд нь хөрөнгө оруулалтын шийдвэр гаргахад онцгой анхаарал шаарддаг.

Баярын үеийн зах зээлийн онцлогууд

1. Түүхэн гүйцэтгэл: Баярын өдрүүдийн зах зээлийн дүр зураг

Өнгөрсөн арван жилийн статистикт үндэслэвэл, Долдугаар сарын 4-ний орчимд буюу өмнөх болон дараах өдрүүдэд арилжааны хэмжээ багасч, зах зээл багавтар өсөлттэй байх нь элбэг байдаг. Жишээлбэл, S&P 500 индексийн гүйцэтгэлийн түүхээс харахад баярын долоо хоногт эерэг хандлага давамгайлдаг.

2. Хөрвөх чадвар ба Арилжааны Хэмжээ (Liquidity & Volume)

Тусгаар тогтнолын өдөр болон томоохон баярын үеэр хөрвөх чадвар мэдэгдэхүйц буурдаг. Арилжаачид болон санхүүгийн байгууллагууд амралтад гарснаар зах зээлийн идэвх суларч, арилжааны хэмжээ багасч, bid-ask spread өргөсөх хандлагатай болдог.

Жишээ: Зарим хувьцаанууд дээр худалдан авах ба зарах үнийн зөрүү (spread) өргөсч, богино хугацаанд худалдаа хийх зардал нэмэгддэг. Энэ нь арилжаа хийхэд хэцүү болгохоос гадна гэнэтийн үнийн савлагаа үүсэх эрсдэлийг нэмэгдүүлдэг.

3. Хэлбэлзэл (Volatility) ба Үнэ Хөдөлгөөн

Баярын үеэр зах зээл нам тайван байх эсвэл эсрэгээрээ огцом савлагаа үүсэх аль аль магадлалтай байдаг.

• Бага хэлбэлзэл: Арилжааны хэмжээ буурснаар зах зээл тогтуун болж, урт хугацааны хөрөнгө оруулагчдад таатай орчин бүрддэг.

• Өндөр хэлбэлзэл: Хэрэв баярын үеэр гэнэтийн мэдээ (жишээ нь: геополитикийн хурц үйл явдал) гарвал зах зээл хариу үйлдэл үзүүлж, огцом хэлбэлзэл үүсч болзошгүй.

4. Зах зээлийн хандлагад нөлөөлөгч хүчин зүйлс

• Хаалттай болон богиносгосон арилжааны цагууд: Баярын өдөр бүрэн эсвэл хагас хаагддаг нь арилжааны боломжийг хязгаарлаж, эрсдэл нэмэгдүүлдэг.

• Институцийн хөрөнгө оруулагчдын оролцоо буурах: Томоохон сангууд амралтад гарснаар зах зээлд жижиглэнгийн хөрөнгө оруулагчид давамгайлж, үнийн хөдөлгөөн хэт мэдрэг болдог.

• Санхүүгийн үзүүлэлтүүдийн тайлагнал: Баярын өмнө гарсан эдийн засгийн тайлан, орлогын мэдээллүүд зах зээлийн хандлагад нөлөөлдөг.

5. Хөрөнгө оруулагчдын стратеги

• Урт хугацааны хөрөнгө оруулагчдад:

  • Баярын үеийн богино хугацааны үнийн савлагааг ашиглан хямд үнээр байр сууриа нэмэгдүүлэх боломжтой.

  • Түүхэн өсөлтийн хандлага бүхий салбаруудад хөрөнгө оруулалт нэмэгдүүлэх замаар баярын үеийн ашигт хариу үзүүлж болно.

• Богино хугацааны арилжаачдад:

  • Stop-loss болон hedging хэрэгслийг ашиглан гэнэтийн савлагаанаас сэргийлэх.

  • Техник шинжилгээг ашиглан дэмжлэг, эсэргүүцлийн түвшинг тодорхойлж богино хугацааны арилжаанд оролцох.

Эцсийн зөвлөгөө

Эцэст нь хэлэхэд зүгээр л ямар ч арилжаа хийлгүй баяр дуусаад томоохон хөрөнгө оруулагч нар орж ирж, арилжааны идэвхи сайжрахыг л хүлээ.