Нетаньяху Трампыг Нобелийн Энхтайвны шагналд нэр дэвшүүллээ

Өчигдөр Израилийн Ерөнхий сайд Бенжамин Нетаньяху, АНУ-ын Ерөнхийлөгч Дональд Трамп нар Ираны цөмийн байгууламжууд руу хийсэн хамтарсан агаарын цохилтыг “амжилттай” болсныг тэмдэглэн “ялалтын зоог” барьжээ. Энэ үед Нетаньяху Трампыг Нобелийн Энх тайвны шагналд нэр дэвшүүлсэн захидлаа гардуулжээ.

Довтолгооны үеэр АНУ нь “бункер нэвт цохилттой бөмбөг” болон Tomahawk пуужин ашиглаж Ираны 3 гол цөмийн байгууламжийг устгасан юм.

Хэдийгээр АНУ, Израил нь Ираны цөмийн хөтөлбөрт цохилт өгч “ялалтын” уур амьсгал бүрдүүлж байгаа ч Газад үргэлжилж буй дайны хувь заяа тодорхойгүй хэвээр байна. Трамп гал зогсоох гэрээг ойрын өдрүүдэд хийхээр шахаж байгаа ч талуудын байр суурь зөрүүтэй байна.