JPMorgan Chase банк криптовалют барьцаалсан зээл олгохоор судалж байна

JPMorgan Chase банкны Гүйцэтгэх захирал Жэйми Даймон өмнө нь биткойныг “залилан” гэж нэрлэж байсан бол одоо байр сууриа өөрчилжээ.

Тодруулбал, тус банк криптовалютын хөрөнгө (жишээ нь Биткойн, Этер) барьцаалсан зээл олгох талаар хэлэлцэж байгаа тухай мэдээлэл гарлаа.

Financial Times сонинд JPMorgan энэ төрлийн зээлийг 2026 оноос эхлүүлэх боломжтой гэж нийтлэсэн байна.

Хэрвээ ийм үйлчилгээ нэвтэрвэл, криптовалют уламжлалт банкны системд албан ёсоор орж ирж буй томоохон алхам болох юм. Мөн олон тэрбум ам.долларын зээл авах боломж крипто зах зээлд оролцогчдод нээгдэхээс гадна бусад банкнууд ч адилхан үйлчилгээ нэвтрүүлж болзошгүй юм.

---