Хятадын эрдэмтэд "атомын шатар" бүтээж, Квант компьютерийн хөгжлийг тэргүүлж байна

Өмнө нь ийм төрлийн төхөөрөмжөөр ердөө хэдхэн зуун атом л байрлуулж чаддаг байсан бол одоо 2,000 гаруй атомыг ердөө 0.06 секундэд байрлуулна.

Атом нь бидний нүдэнд үл үзэгдэх, квант компьютерийн “LEGO” шиг хамгийн жижиг хэсэг юм. Олон LEGO-г зөв байрлуулбал томоохон бүтээн байгуулалт хийж болдог шиг олон атомыг зөв байрлуулбал илүү хүчтэй квант компьютер хийж чадна.

Өмнө нь атомыг нэг нэгээр нь шилжүүлдэг байсан. Энэ нь яг л 1,000 ширхэг эвлүүлдэг puzzle-ийг ширхэг ширхгээр нь өрж байгаа мэт удаан үргэлжилдэг байв.

Харин одоо хиймэл оюун ухаан ашиглаад бүх хэсгийг нэгэн зэрэг хөдөлгөдөг болсон.

Энэ нь puzzle-ийн бүх хэсгийг автоматаар секунд хүрэхгүй хугацаанд зөв байрлуулдаг роботтой адил юм.

Ямар нарийвчлалтай вэ?

Атом бүрийг зөв байрлуулах нь бараг 100%-тай тэнцүү.

Энэ нь ажилд орох шалгалтын 1,000 асуултаас 999-ийг зөв хариулсантай адил маш өндөр түвшин гэсэн үг.

Ирээдүйн хэрэглээ ба нөлөөлөл

Амьдрал дээр ийм технологи нь:

• Эмийн судалгаа: Шинэ эм бүтээх хугацааг хэд дахин хурдасгана.

• Санхүүгийн тооцоолол: Маш нарийн санхүүгийн эрсдэлийн загварыг хэдхэн секундэд гаргана.

• Уур амьсгалын загварчлал: Дэлхийн уур амьсгалын өөрчлөлтийг илүү нарийн, хурдан таамаглана.

Өөрөөр хэлбэл, энэ нь одоо ашиглаж буй супер компьютерээс мянга дахин хурдан, мянга дахин ухаалаг тархи бүтээх нэг алхам юм.