Трамп 100 сая ам.доллароор бонд авчээ

Дональд Трампын Олон нийтийн ёс зүйн албанд өгсөн тайланд нийт 690 гүйлгээ бүртгэгдсэн байна.

Хөрөнгө оруулалтын задаргаа

Задалбал, тэрээр ерөнхийлөгч болсноосоо хойш 100 сая ам.доллароос дээш дүнгээр орон нутгийн захиргаа, сургууль, хий болон усан хангамжийн байгууллагуудын гаргасан бондыг авсан байна. Мөн Meta, Home Depot, T-Mobile, United Health зэрэг томоохон компаниудын бондыг авчээ.

Түүнчлэн:

• T-Mobile, United Health, Home Depot-ын бондод тус бүр 500,000–1,000,000 ам.доллар,

• Meta-гийн бондыг 250,000–500,000 ам.долларт авчээ.

Хөрөнгийн өсөлт ба Forbes-ийн үнэлгээ

Forbes-ийн тооцоогоор Трампын хөрөнгө 5.5 тэрбум ам.доллар болсон байна. Энэ нь 2020 онд 2 дахь Ерөнхийлөгчийн бүрэн эрхийн хугацаа нь дуусах үеийн 2.1 тэрбум ам.доллараас эрс өссөн үзүүлэлт юм.

Forbes үүнийг “Америкийн түүхэн дэх ерөнхийлөгчийн ажлын дараа хамгийн ашигтай гарсан хүн” гэж тодорхойлжээ.

Шүүмжлэл ба Сонирхлын зөрчил

Учир нь Трампын хөрөнгө оруулсан зарим компани нь түүний бодлого, бизнесийн шийдвэрүүдэд ордог учраас сонирхлын зөрчилтэй гэж өрсөлдөгчид нь шүүмжилж байна.