Hang Seng индекс 7 хоногийн доод түвшиндээ хүрэв

Өчигдөр Хонгконгийн Hang Seng индекс 203 нэгжээр буюу 0.8% унаж, 24,999 дээр хаагдлаа. Ингэснээр 3 дахь өдрөө дараалан буурч, сүүлийн долоо хоногийн доод түвшинд хүрэв.

Шалтгаан:

• Meituan 13.2% унасан нь дотоодын хоол хүргэлтийн өрсөлдөөн нэмэгдэж, гадаадад (ялангуяа Бразил) хүргэлт буурсантай холбоотой.
• Alibaba 4.7% унасан нь ирэх жил төлөгдөх 6.5 тэрбум ам.долларын зээлээ дахин санхүүжүүлэх төлөвлөгөөтэй холбоотой.

Эсрэгээрээ:

• АНУ-ын Nvidia-гийн Хятадын бизнесийн эрсдэлтэй холбоотойгоор дотоодын технологийн зарим компани өсөв. /SMIC +10.5%, Horizon Robotics +13.7%, Lenovo +2.5%/

Хөрөнгө оруулагчид Хятадын зах зээл тогтвортой өсөх эсэхэд эргэлзэж байгаа учраас эдийн засгийн мэдээ нь гарахаас өмнө болгоомжилж байна. Гэхдээ АНУ-ын төв банкнаас ирэх сард хүү бууруулж магадгүй гэж мэдэгдсэн нь уналтыг багасгаж байна.