Broadcom-ийн тайлан Уолл Стритийн таамгийг давлаа

Broadcom компани пүрэв гарагт хиймэл оюун ухаантай (AI) холбоотой чипийн орлого болон хоёрдугаар улирлын тайлангаа зарлаж, Уолл Стритийн таамгийг давж гарлаа. Тус компанийн захиалгат AI чип болон сүлжээний шийдлүүдэд эрэлт өндөр хэвээр байна.

Broadcom-ийн нэгж хувьцаанд ногдох ашиг (EPS) нь 1.69 ам.доллар болж, орлого нь 15.95 тэрбум ам.долларт хүрэв. Харин судалгаанд оролцсон шинжээчид EPS-ийг 1.66 ам.доллар, орлогыг 15.82 тэрбум ам.доллар гэж таамагласан байжээ.

Хагас дамжуулагчийн шийдлүүдийг багтаасан үндсэн бизнес нь, захиалгат чипийн нэгжтэй хамт, өнгөрсөн жилийн мөн үеэс 57%-иар өсөж 9.17 тэрбум ам.доллар болсон байна. Дэд бүтцийн програм хангамжийн сегмент 17%-иар өсөж 6.79 тэрбум ам.долларт хүрэв.

Дөрөвдүгээр улиралд орлого ойролцоогоор 17.4 тэрбум ам.долларт хүрнэ гэж тооцож байгаа нь шинжээчдийн 17.01 тэрбум ам.долларын хүлээлтээс давжээ. Мөн тус компани “хийсвэр оюун ухаантай холбоотой хагас дамжуулагчийн орлого улам хурдацтай өсөж”, дөрөвдүгээр улиралд 6.2 тэрбум ам.долларт хүрнэ гэж онцолсон нь шинжээчдийн 6 тэрбум ам.долларын таамгийг давсан үзүүлэлт боллоо.