АНУ-ын Засгийн газрын зогсох (shutdown) эрсдэлээс үүдэлтэй аюулгүйн хөрөнгө оруулалтын эрэлт нэмэгдлээ.

Алтны үнэ Даваа гарагт унц нь 3,800 ам.доллараас давж түүхэн дээд түвшинд хүрлээ. Үүнд АНУ-ын Засгийн газрын зогсох (shutdown) эрсдэлээс үүдэлтэй аюулгүйн хөрөнгө оруулалтын эрэлт нэмэгдсэн нь голлон нөлөөлжээ. 

Холбооны Нөөцийн Банк ба хүүгийн хүлээлт

• Энэ онд Холбооны Нөөцийн Банк дахин хүү бууруулна гэсэн хүлээлт алтны үнийг дэмжив.
• Трейдэрүүд 2025 он дуустал 40 суурь нэгжээр хүүг буурна гэж үзэж байна. 
• Ерөнхийдөө алт нь хүү буурах үед болон эдийн засаг, геополитикийн тодорхойгүй нөхцөлд сайн гүйцэтгэлтэй байдаг.

АНУ-ын Засгийн газрын зогсох эрсдэл

• Холбооны төсвийн санхүүжилт 9-р сарын 30-ны шөнө дунд дуусгавар болно. Одоогоор Конгресс шинэ төсөв эсвэл сунгалтын санхүүжилт батлаагүй байна.
• Хоёр намын хооронд хэлэлцээ үргэлжилж байгаа ч байр суурь зөрчилтэй хэвээр:
  • Бүгд Найрамдахчууд: 11 сар хүртэлх түр хугацааны санхүүжилт санал болгож байна.
  • Ардчилсан нам: Эрүүл мэнд, Medicaid-ийн зарим хэмнэлтийг буцаахгүй бол нэмэлт санхүүжилтийг хүлээн зөвшөөрөхгүй гэж шаарджээ.
• Хоёр намын удирдагчид Даваа гарагт Ерөнхийлөгч Дональд Трамптай уулзахаар болжээ.

Болзошгүй үр дагавар

• Засгийн газрын зогсолт энэ долоо хоногт гарах nonfarm payrolls (ХАА-н бус салбарын хөдөлмөр эрхлэлтийн) чухал мэдээллийн нийтлэлийг хойшлуулж болзошгүй.
• Хэрэв урт хугацаанд үргэлжилбэл эдийн засгийн үйл ажиллагаанд томоохон доголдол авчирна.
• Сүүлд АНУ-ын Засгийн газар 2018 оны сүүл – 2019 оны эхээр 35 хоногийн турш хэсэгчлэн зогсож байсан. Тэр үед Төсвийн конгрессын албаны тооцоогоор ДНБ-ийг ойролцоогоор 11 тэрбум ам.доллараар бууруулсан гэжээ.