Nvidia-ийн хувьцаа өсөж, Nasdaq 23,000 түвшинд анх удаа хүрлээ

Өчигдөр технологийн компаниудын хувьцаануудын үнэ өссөнөөр Nasdaq Composite индекс анх удаа 23,000 нэгжээс дээш түвшинд хаагдлаа.

Шалтгаан нь AI-д чиглэсэн чипний эрэлт өссөн, АНУ-ын Холбооны Нөөцийн банкны хурлаар хүүг нэмж бууруулах талаар хэлэлцсэн нь хөрөнгө оруулагчдын итгэлийг нэмжээ.

Тухайлбал, Nvidia (NASDAQ: NVDA)-гийн хувьцаа өсөж, Гүйцэтгэх захирал Женсен Хуаны CNBC-д өгсөн ярилцлага зах зээлийн уур амьсгалыг сэргээв.

Тэрээр: “Сүүлийн 6 сард тооцоолох чадварын эрэлт мэдэгдэхүйц өссөн. Мөн Илон Маскийн xAI стартапад хөрөнгө оруулалтаа нэмэхдээ баяртай байна” гэжээ.

Bloomberg News-ийн мэдээлснээр xAI компани хөрөнгө оруулалт татаж $20 тэрбумын үнэлгээнд хүрэхээр Nvidia-тай хамтран ажиллаж байгаа юм байна.