Intel-ийн Ерөнхий Захирал OpenAI Компани Руу Шилжив

Intel-ийн технологи ба хиймэл оюун ухаан хариуцсан Ерөнхий захирал Сачин Катти (Sachin Katti) OpenAI компанийн тооцооллын дэд бүтцийн төслийн багт нэгдсэнийг OpenAI-аас баталгаажуулсан байна.

ChatGPT-ийг бүтээсэн OpenAI компани нь хиймэл оюун ухааны тооцооллын хүчин чадлаа нэмэхийн тулд хэдэн зуун тэрбум ам.долларын хөрөнгө оруулж, цаашид бусад байгууллагад худалдах төлөвлөгөөтэй байгаа юм.

Харин Intel (NASDAQ:INTC) компани нь сүүлийн 3 жилд хиймэл оюун ухааны салбарын өсөлтийг ашиглаж зах зээлээ тэлсэн NVIDIA Corporation (NASDAQ:NVDA) болон AMD (NASDAQ:AMD)-аас хоцорч байгаа ч сүүлийн үед байр сууриа сэргээхээр оролдож байна.

---------------------------