Одоогийн зах зээл нь dot-com-ын хямралын үеэс өөр

Сүүлийн үед S&P 500 индекс дэх “Magnificent Seven” буюу 7 том технологийн хувьцаанд хэт төвлөрсөн, AI-ийн үнэлгээ хэт өссөн гэх болгоомжлол их байгаа ч АНУ-ын томоохон хөрөнгө оруулагчид эсрэг байна.

Тэд зах зээлийн өнөөгийн AI хөрөнгө оруулалт нь 2000 оны “dot-com”-ын хөөснөөс огт өөр экосистемд өрнөж байгаа гэж таамаглаж байгаа юм.

20 жилийн өмнөхөөс ялгаатай нь Alphabet, Microsoft, Amazon зэрэг компаниуд ирэх жил 500 тэрбум ам.доллароос давсан AI хөрөнгө оруулалт хийх чадвартай юм.

Тиймээс зах зээл түр хугацаанд хэлбэлзсэн ч AI хөрөнгө оруулалт урт хугацаанд эдийн засгийн өсөлтийг тодорхойлох гол хүчин зүйл хэвээр байна гэж тэд үзэж байна.