АНУ-ын тарифын орлого буурч эхэлсэн үү?

Сүүлийн хэдэн сард АНУ-ын импортын татвар буюу тарифын орлого буурсан нь анхаарал татаж эхэллээ. Сангийн яамны мэдээллээр, 2025 оны 10-р сараас хойш тарифын орлого ойролцоогоор 11%-иар багассан байна. 10-р сард жилийн дүнгээр тооцоход тарифын орлого 376 тэрбум ам.доллар байсан бол, 2026 оны 1-р сарын эцэст энэ үзүүлэлт 335 тэрбум ам.доллар болж буурчээ.

Гэхдээ UBS-ийн эдийн засагч Arend Kapteyn энэ бууралтыг импортын эрэлт суларсны шууд шинж тэмдэг гэж харах нь эрт гэж анхааруулж байна.

Түүний тайлбарласнаар:

• Улирлын нөлөө чухал үүрэгтэй. 12 болон 1-р саруудад импорт уламжлалт ёсоор багасдаг. Учир нь жижиглэн худалдаачид баярын нөөцөө үүнээс өмнө бүрдүүлдэг.
• Тарифын бодлогын өөрчлөлт мөн нөлөөлжээ. Тухайлбал, 2025 оны 11-р сард Хятадаас импортлох зарим бараанд ногдуулсан тариф 20%-иас 10% болж буурсан нь орлогыг автоматаар багасгасан.
• Мөн 2025 оны сүүлчээр боомтуудын ачаалал саарсан нь улирлын болон тарифын нөлөөтэй холбоотой байж магадгүй.

Дүгнэж хэлбэл, тарифын орлого 12-р сарын оргил үеэсээ үнэхээр буурсан ч энэ нь импортын эрэлт үндсэндээ унаж эхэлсний баттай нотолгоо хараахан биш байна. Одоогийн байдлаар улирлын хэлбэлзэл болон тарифын хувь хэмжээний өөрчлөлт голлон нөлөөлж байгаа гэж шинжээчид үзэж байна.