Гал зогсоох тохиролцооны дараа Ази зах зээл өсөж, Солонгосын хувьцаанууд тэргүүлэв

АНУ-ын Ерөнхийлөгч Дональд Трамп Ираны дэд бүтцэд хийхээр төлөвлөсөн цохилтуудыг хоёр долоо хоногоор түр зогсоох шийдвэр гаргасны дараа Ази-Номхон далайн бүсийн хөрөнгийн зах зээлүүд өсөлттэй арилжаалагдлаа. Энэхүү шийдвэр нь Ормузын хоолойг нээхтэй холбоотой түр тохиролцооны хүрээнд хийгдсэн байна.

Ираны Гадаад хэргийн сайд Аббас Арагчи ойрын хугацаанд тээвэрлэлтийн аюулгүй байдлыг хангах боломж бүрдэхийг онцолж, зах зээлд эерэг хүлээлт бий болголоо.

Энэхүү мэдээний дараа бүс нутгийн гол индексүүд нийтээрээ өсөлт үзүүлж, ялангуяа KOSPI индекс ойролцоогоор 5 орчим хувиар өсөж, бүс нутгийг тэргүүлэв. Түүнчлэн Samsung Electronics болон SK Hynix-ийн хувьцаанууд 7–9 хувиар өсөж, зах зээлийн өсөлтийг дэмжсэн байна.

Бусад зах зээлүүд ч мөн адил эерэг хандлагатай байж, Япон, Австралиийн гол индексүүд 2–4 хувийн өсөлт үзүүллээ.

Үүний зэрэгцээ эрчим хүчний зах зээл дэх дарамт суларч, нефтийн үнэ богино хугацаанд 15 орчим хувиар буурсан нь инфляцын хүлээлтийг намжааж, хөрөнгийн зах зээлийн өсөлтийг дэмжих гол хүчин зүйл болов.

Нийт дүнгээр АНУ–Ираны хоорондын түр гал зогсоох тохиролцоо нь геополитикийн эрсдэлийг бууруулж, Ази төдийгүй дэлхийн хөрөнгийн зах зээлд эерэг нөлөө үзүүлж эхэлж байна.