“Apple” дэлхийн хамгийн өндөр үнэлгээтэй компани гэсэн байр сууриа алдлаа

2022 оны эхнээс хөрөнгийн зах зээл уналтад орсон нь технологийн томоохон компаниудад хүндхэн нөлөө үзүүлж байна. Тухайлбал, Apple компанийн хувьцааны ханш  өчигдөр гэхэд л 5 хувиар унаж зах зээлийн үнэлгээ нь 2.37 их.наяд ам.доллар болов.

Тэгснээр дэлхийн хамгийн өндөр зах зээлийн үнэлгээтэй компани байхаа больж Saudi Aramco буюу газрын тосны томоохон компанийн араас жагсдаг боллоо.

Өнөөгийн байдлаар Saudi Aramco 2.43 их.наяд ам.долларын зах зээлийн үнэлгээтэй байна. 2022 оны эхээс хойш тус компанийн хувьцааны ханш ойролцоогоор 27 хувиар өссөн юм.