Amazon компани хувьцаагаа 1:20 харьцаатайгаар хуваалаа

1999 оноос хойш хувьцаагаа хуваагаагүй Amazon компани өнгөрсөн гурван сард хувьцаагаа  хуваах төлөвлөгөөтэй байгаагаа мэдэгдсэн. Тэгвэл өчигдөр тус компани хувьцаагаа албан ёсоор нэгж хувьцаагаа 1:20 харьцаатайгаар хувааснаар 2447 ам.доллар байсан ханшийг 122 ам.доллар болголоо.

Ингэж хувьцаагаа хувааснаар бусад жижиг хөрөнгө оруулагчид тус компанийн хувьцааг бага ханшаар худалдан авах боломж нээгдэж байгаа юм.  

Хувьцаа хуваах үйл явц нь тухайн компанийн зах зээлийн үнэлгээ, компани дахь хөрөнгө оруулагчдын эзэмшиж буй хувьцааны үнэ цэнийг өөрчилдөггүй бөгөөд зөвхөн нийт хувьцааны тоо ширхгийг нэмэгдүүлдэг юм.