TSMC Япон руу тэлнэ

Компьютерийн чип үйлдвэрлэгч Taiwan Semiconductor Manufacturing Co. Хятад болон Барууны хоорондын хурцадмал байдал тус компанид сорилт үүсгэсээр байгаа тул Японд өргөжин тэлэх боломжтой гэж The Wall Street Journal лхагва гарагт мэдээлэв.

Нэрээ нууцалсан эх сурвалжаас иш татан, Японы засгийн газар тус компанийг баяртайгаар хүлээн авахаа илэрхийлсэн гэж мэдээлэв. Гэхдээ албан ёсны эцсийн шийдвэр гараагүй байна.

Дэлхийн удирдагчид Тайвань Хятадын асуудалд санаа зовниж буйгаа илэрхийлж байна. АНУ-ын Төлөөлөгчдийн танхимын дарга Нэнси Пелоси саяхан Тайваньд хийсэн айлчлал нь хурцадмал байдлыг улам нэмэгдүүлж, Хятадын засгийн газар цэргийн сургуулилт эхлүүлж, Тайваний зарим импортыг зогсоосон юм.

TSMC-ийн дарга Марк Лю лхагва гарагт "АНУ-Хятадын худалдааны зөрчилдөөн, тэр дундаа хагас дамжуулагчийн үйлдвэрлэлд илүү ноцтой сорилт авчирлаа" гэж Ройтерс агентлаг мэдээллээ.

АНУ дотоодын чипний үйлдвэрлэлийг дэмжих замаар импортын хамаарлаа багасгахыг эрмэлзэж байна. Компьютерийн чипийг ухаалаг гар утаснаас эхлээд автомашин, эмнэлгийн хэрэгсэл зэрэг олон төрлийн бүтээгдэхүүнд ашигладаг.

TSMC нь Хятадаас шууд нөлөөлөл багатай газар руу үйлдвэрлэлээ шилжүүлж байгаа цорын ганц технологийн үйлдвэрлэгч биш юм. Apple шинэ iPhone 14-ийн заримыг Энэтхэгт Foxconn үйлдвэрлэнэ гэж мэдэгдсэн.