TRQ-ийн жижиг хувьцаа эзэмшигчид RIO-ийн саналыг зөвшөөрчээ

Turquoise Hill Resources Ltd /TRQ.NYSE/ компанийн хувьцаа эзэмшигдчийн хурал өнгөрсөн долоо хоногийн баасан гарагт боллоо. Хурлын өмнөх өдөр Turquoise Hill Resources Ltd-ийн үлдсэн 49 хувийг 3.3 тэрбум ам.доллароор Rio Tinto Plc-д худалдах эсэх асуудлаар санал хураалт хийгдсэн бөгөөд санал хураалтын дүнг хувьцаа эзэмшигчдийн хурлаар танилцуулжээ.

Санал хураалтын үр дүнд Turquoise Hill Resources Ltd компанийн хувьцаа эзэмшигчдийн 86.6 хувь нь Rio Tinto-ийн саналыг дэмжсэн бол 17.5 хувь нь татгалзсан хариулт өгчээ.

Хувьцаа эзэмшигчдийн 66.67 хувь нь Rio Tinto-гийн талд санал өгөхөд хангалттай байсан билээ.  Ингэснээр тус компани Turquoise Hill Resources Ltd компанийн нэгж хувьцааг 43 канад доллар /32.6 ам.доллар/-оор худалдан авахаар боллоо.

Rio Tinto Plc-ийн Зэсийн группийн захирал Б.Болд “Энэхүү шийдвэр нь цаашид Оюутолгой төслийг илүү сайн, илүү үр ашигтай засаглалаар хэргэжүүлэх боломжийг олгосон чухал шийдвэр байлаа” хэмээн мэдэгджээ.

Rio Tinto-гоос мэдэгдсэнээр үлдсэн 49 хувийг худалдан авах эцсийн зөвшөөрлийг Юконы дээд шүүх энэ сарын 14-ний өдөр олгох төлөвтэй байна. Харин хувьцаа болон бэлэн мөнгөний шилжүүлэг хийх хугацааг шүүхээс тогтоож өгөх юм.