Газрын тосны ханш 3 сарын доод түвшинд хүрч уналаа

АНУ-ын инфляцын мэдээ гарсны дараагаар түүхий газрын тосны ханш 4 хувь суларч сүүлийн 3 сарын доод түвшинд хүрлээ. Мөн банкуудын дампуурал нь ирээдүйд санхүүгийн салбарт хямрал дагуулж газрын тосны эрэлтийг бууруулж болзошгүй гэж зах зээлд оролцогчид харж байна. 

Брент газрын тосны ханш 3.32 ам.доллар буюу 4.1 хувиар буурч баррель нь 77.45 ам.доллар болжээ. Мөн WTI газрын тосны ханш 3.47 ам.доллар буюу 4.6 хувиар буурч 71.33 ам.доллараар хаагджээ.  

Эдгээр ханш нь 12 дугаар сарын 9-нөөс хойш хамгийн бага хаалтын ханш бөгөөд нэгдүгээр сарын эхэн үеээс хойш ажиглагдаагүй том нэг өдрийн уналт болсон байна.