Улаан өндөгний баярын орлого AMC-ийн хувьцааг 8 хувь өсгөлөө

AMC Entertainment (NYSE:AMC) өнгөрсөн амралтын өдрүүд нь 2023 он гарснаас хойших хамгийн үр ашигтай өдрүүд байсан гэж мэдэгдсэнээр даваа гарагт хувьцааны ханш нь өслөө. 

Тус компанийн хувьцаа өчигдрийн арилжаагаар 8 хувь чангарч 5.35 ам.долларт хүрчээ. Сүүлийн 12 сарын хугацаанд тус хувьцааны ханш 57 хувь унаад байсан юм. 

Өнгөрсөн долоо хоногийн баасангаас ням гарагийн хооронд зөвхөн нэг л салбараар 3.6 сая хүн үйлчлүүлсэн нь 2019 оны 12 дугаар сараас хойших хамгийн завгүй амралтын өдөр болсныг тэд цохон тэмдэглэжээ.

“Бид 2020 онд дахин нээснээс хойш хамгийн өндөр орлого олсон 3 өдрийн 2 нь өнгөрсөн амралтын өдөр байсан бөгөөд АНУ-д кино театрууд дахин нээгдсэнээс хойш AMC-ийн хамгийн өндөр орлого олсон өдөр нь өнгөрсөн бямба гарагт тохиолоо” гэж компаниас хэвлэлийн бага хурал дээр мэдэгджээ.