АНУ-ын өрийн таазыг нэмэх асуудал дахин хойшиллоо

АНУ-ын Ерөнхийлөгч Жое Байден болон Конгрессын дарга Кевин Маккарти нарын даваа гарагт болсон уулзалт зөвшилцөлд хүрэлгүй өндөрлөснөөр тус улс дефолт зарлахад ердөө 10 өдөр үлдээд байгаа ч талууд асуудлыг үргэлжлүүлэн авч хэлэлцэнэ гэсээр таржээ. 

Маккартигийн зүгээс Байденыг данхар төсвөө танахыг шаардаж байгаа бол Байден Бүгд Найрамдах намаас дэмжигдээгүй шинэ төрлийн татварыг батлуулахаар зүтгүүлж байгаа юм. 

Талууд аль аль нь дефолт зарлахыг хүсэхгүй байгаагаа илэрхийлсэн бөгөөд асуудлыг ойрын өдрүүдэд үргэлжлүүлэн хэлэлцэнэ гэдгээ амлажээ.