АНУ-ын ажилгүйдлийн түвшин огцом өсөв

АНУ-д шинээр ажилгүйдлийн тэтгэмж хүсэгчдийн тоо өнгөрсөн долоо хоногт 28 мянгаар нэмэгдэж 261,000-д хүрчээ. Энэ нь 2021 оны 10 дугаар сараас хойших хамгийн өндөр түвшин болж байна. 

Эдийн засагчдын хувьд энэ тоог 235 мянга гарна хэмээн таамаглаж байсан билээ. Гэхдээ эдийн засагчид ажилгүйдлийн тоон үзүүлэлт нь мөнгөний бодлогын шийдвэрт нөлөөлнө гэж үзэхгүй байна. ХНС ирэх долоо хоногийн лхагва гарагт мөнгөний бодлогын шийдвэрээ танилцуулахаар хүлээгдэж байгаа бөгөөд энэ удаад бодлогын хүүг өөрчлөхгүй гэж зах зээл хүлээж байгаа юм.