Microsoft болон Activision Blizzard-ын нэгдэх хэлцлийг шүүх хурал хойшиллоо

Мягмар гарагийн орой АНУ-ын шүүх Холбооны Худалдааны Комиссоос (FTC) Microsoft Corp-ийн видео тоглоом үйлдвэрлэгч Activision Blizzard-ийг худалдан авахыг түр хориглох хүсэлтийг хүлээн авч, ирэх долоо хоногт шүүх хурлыг товложээ.

Хэрэв шүүхийн шийдвэр гараагүй бол баасан гараг гэхэд Microsoft 69 тэрбум ам.доллараар Activision Blizzard-ийг худалдан авах боломжтой болох байлаа. 

Холбооны Худалдааны Комиссын хүсэлтээр АНУ-ын дүүргийн шүүгч Edward Davila ирэх долоо хоногт буюу 6 дугаар сарын 22-23-нд дараагийн шүүх хурлыг товлож, уг асуудлаар хоёр өдрийн сонсгол хийхээр болжээ.