Амины орон сууцны борлуулалт нэмэгдэж Уол Стрийтийг уналтад хөтөллөө

АНУ-ын орон сууцны зах зээл сэргэж буй шинж тэмдэг үзүүлж, бодлогын хүүг цаашид өсгөж болзошгүй нөхцөл байдал үүссэний улмаас АНУ-ын хөрөнгийн зах зээлийн энэ долоо хоногийг уналттайгаар эхлүүллээ. Даваа гарагт АНУ-д боолчлолын төгсгөл болсон түүхэн өдөр тохиосон тул Уол Стрийт амарсан юм. 

АНУ-ын амины орон сууцны ашиглалт 5 сард өмнөх сараас 27 хувиар өссөн нь сүүлийн жил гаруйн хугацаанд ажиглагдаагүй өндөр өсөлт бөгөөд шинэ барилгын зөвшөөрөл олголт мөн нэмэгдсэнээр орон сууцны зах зээл эргэлтийн цэгтээ ирсэн байж магадгүй гэх дохиог зах зээлд өглөө. 

АНУ-ын хөрөнгийн биржүүдийн арилжааны цонх хаагдах үед Dow Jones Industrial Average 306 нэгж буюу 0.9 хувь, S&P 500 индекс 0.7 хувь, NASDAQ Composite мөн 0.8 хувиар тус тус уналттай байлаа.