Алтны ханш 3 сарын доод түвшинд ойртов

Орон сууцны зах зээлд томоохон өсөлт гарсан нь мөнгөний бодлогыг чангатгаж, ам.доллар өсөж болзошгүй гэсэн дохиог өгснөөр Лхагва гарагт алтны ханш сүүлийн 3 сарын доод түвшинд ойртон ирлээ. 

Алтны спот ханш Улаанбаатарын цагаар 08:15 цагийн үед 1937.58 ам.доллар орчимд маш тогтвортой байв. Мөн фьючерс ханш 1948.75 ам.доллар орчимд тогтвортой байгаа ч аль аль нь өмнөх өдрийн арилжаагаар 0.6-0.8 хувийн уналт үзүүлснээр 3 өдөр дараалан улайгаад байна.  

Хөрөнгө оруулагчид одоогоор өнөөдөр орой ХНС-гийн тэргүүн Жером Пауэлл Конгресст хийх мэдээллийг хүлээж байна. Өнгөрсөн долоо хоногт ХНС мөнгөний бодлогын шийдвэрээ танилцуулахдаа хоёрдмол утгатай мэдэгдэл хийсэн тул энэ удаад түүний мэдээллээс их зүйл тодорхой болно гэж хөрөнгө оруулагчид харж байна.