Майкрософт болон Activision Blizzard компаниуд нэгдэх болсноо мэдэгдээд байна. Мөн шударга бус өрсөлдөөн явуулахгүй гэдгээ баталж, бусад компаниудад ижил тэгш өрсөлдөөнийг бий болгохыг зорино гэдгээ илэрхийллээ.

Тодруулбал, Microsoft компанийн Гүйцэтгэх захирал Сатя Наделла хэлэхдээ “Activision Blizzard компанийг худалдаж авсны дараа тус компанийн тоглоомуудыг бусад платформ дээр үргэлжлүүлэн хэвийн гаргах болно. Тус компанийн тоглоомуудыг онцгой болгох стратегиас ангид байх болно” гэжээ. 

Мөн Activision-ийн гүйцэтгэх захирал Бобби Котик хөгжүүлэгчдийн тоглоомууд тэр дундаа Call of Duty франчайз нь Microsoft-ын Xbox-той өрсөлддөг Sony группын тоглоомууд PlayStation-д хэвээр байх болно гэсэн байна.