Apple компани Шведийн сонгодог дуу хөгжмийн бичлэгийн компанийг худалдан авлаа.

Apple компани Шведийн 50 жилийн түүхтэй дуу бичлэгийн BIS Records компанийг худалдан авсныг тус компанийг үүсгэн байгуулагч Роберт вон Бахр мэдэгджээ.

Цаашид BIS Records дуу бичлэгийн компани нь Apple компанийн Apple Music Classical болон Platoon хөгжмийн платформын нэгээхэн хэсэг болох юм.  

2021 онд Apple компани сонгодог хөгжмийн стримингийн үйлчилгээний Primephonic платформыг худалдан авсан түүхтэй.

Энэхүү худалдан авалтыг хийснээр Apple компани Spotify зэрэг өрсөлдөгчдөөсөө ялгарч, сонгодог хөгжимд анхаарлаа хандуулахын хэрээр санал болгож буй бүтээгдэхүүнийхээ цар хүрээг тэлж байна.