Монголбанк 2024 онд инфляцийг 6+-2 хувьд тогтворжуулна.

Монголбанкнаас УИХ-д өргөн барьсан 2024 онд Төрөөс баримтлах Мөнгөний бодлогын үндсэн чиглэлийн төсөлд инфляцыг 6+/-2 хувийн орчимд тогтворжуулахаар тусгасан байна.

2024 онд мөнгөний бодлогоор инфляцыг дунд хугацаанд зорилтот түвшинд хүргэж тогтворжуулах замаар эдийн засгийн тогтвортой өсөлтийг хангахад дэмжлэг үзүүлэхэд чиглэнэ гэж Монголбанк мэдээллээ.

Цаашид гадаад, дотоод тэнцвэрийг хангахад чиглэсэн бодлогыг цаашид тууштай үргэлжлүүлэхээр төлөвлөжээ.

Түүнчлэн гадаадын банкны бие даасан салбар, нэгжийг дотоодын санхүүгийн салбарт нэвтрүүлж, шаардлагатай хууль эрх зүйн зохицуулалтыг шинэчлэхээр тусгасан байна.

2023 оны зургаадугаар сард төсөвт тодотгол хийснээс хойш улсын хэмжээнд инфляц долоодугаар сард нэг оронтой тоонд ороод байсан ч наймдугаар сарын эцсийн байдлаар 10 хувьтай гарсан юм.

Төсвийн тодотгол нь 2023 оны эцсийн инфляцын төсөөлөл нэмэгдэхэд голлон нөлөөлсөн бөгөөд 9.3 орчим хувьд хадгалагдах хүлээлттэй байгааг Монголбанк мэдээлж байна.