Ford компани цахилгаан автомашины үйлдвэрийн барилгын ажлыг түр зогсоолоо.

Ford компани Мичиган мужид эхэлсэн цахилгаан автомашины үйлдвэрийн төслөө энэ оны 2  сард олон нийтэд танилцуулсан бөгөөд 2026 онд ашиглалтад орж,  2500 гаруй ажлын байр бий болгохоор төлөвлөөд байсан юм.

Ford компанийн хэвлэл мэдээллийн төлөөлөгч Т.Р.Рейд хэлэхдээ “Бид Маршалл төслийн эдийн засгийн үр өгөөж, зах зээл дээр хэр өрсөлдөхүйц гэдгийг тогтоосны дараа үргэлжлүүлэх эсэхээ шийдвэрлэнэ” гэсэн байна.

Одоогоор автомашин үйлдвэрлэгч Ford, General Motors, Stellantis компанийн ажилчид цалин болон нийгмийн хангамжийн асуудлаа шийдвэрлүүлэх зорилгоор ажил хаялт зарлаад байгаа юм.

Тиймээс АНУ-ын UAW буюу автомашин үйлдвэрлэлийн салбарын ажилчдын үйлдвэрчний эвлэлийн тавьж буй шаардлагууд тэдний хувьд асуудал болоод байна.