МХБ-ээр 10 сарын эхний хагаст 896 тэрбум төгрөгийн арилжаа хийгджээ.

Энэ нь өмнөх сарын эхний хагасаас 4 дахин өссөн үзүүлэлт боллоо. Арилжааны дийлэнх буюу 80 гаруй хувийг нүүрсний болон төмрийн баяжмалын арилжаа бүрдүүлжээ.

Үүнээс энэ сарын зургаанд “Эрдэнэс Тавантолгой” ХК-ийн 85 багц  544 мянган тонн дэгдэмхий бодис дунд, коксжих нүүрс 287.4 тэрбум төгрөгөөр арилжигдсан нь хамгийн өндөр дүнтэй хэлцэл болов.

Хувьцааны арилжаагаар “Инвескор ББСБ” ХК, “Сэндли ББСБ” ХК, “Сүү” ХК, “Мандал даатгал” ХК-ийн хувьцаа тоо ширхэг, үнийн дүнгээр идэвхтэй арилжаалагдсан байна.

“Топ-20” индекс 10 сар гарсаар тогтвортой  35 мянган нэгжийн түвшинд байна. Хөрөнгийн зах зээлийн үнэлгээний хувьд 200 тэрбум төгрөгөөр буурч, 10.2 их наяд төгрөг болжээ.