S&P 500 индексийн компаниудын 3-р улирлын тайлангийн дийлэнх нь муу байна.

 

2023.10.20-ны өдрийн байдлаар S&P 500 индекст багтдаг компаниудын 17 хувь нь тайлангаа танилцуулаад байна. Эдгээр компаниудын 73 хувь нь цэвэр ашгийн хүлээлтийг давуулсан бол 66 хувь нь орлогын хүлээлтийг давуулжээ.

Харин тайлан танилцуулсан компаниудын цэвэр ашгийн үзүүлэлт өмнөх оны мөн үеэс 0.4 хувиар буурчээ.

Хэрэв ирэх өдрүүдэд танилцуулагдах компаниудын ашгийн үзүүлэлт сайжрахгүй бол S&P 500 индексийн улирлын тайлан 4 дэх улиралдаа муу гарах хүлээлттэй байна.

Өнгөрсөн 7 хоногт томоохон компаниудаас Tesla, At&T, Netflix, TSMC, Bank of America зэрэг компаниуд тайлангаа танилцуулсан. Эдгээрээс Teslaгийн тайлан шинжээчдийн хүлээлтэд хүрээгүй бол At&T, Netflix, TSMC, Bank of America зэрэг компаниудын тайлан хүлээлтээс давжээ.

Энэ 7 хоногт томоохон компаниудаас Coca Cola, Microsoft, Alphabet, 3M, Visa, Boeing, Meta, IBM, T-Mobile, Amazon, Intel, Ford, Exxon Mobil зэрэг компаниуд тайлангаа танилцуулна.