Apple-ийн хувьцааны ханш 3.39 хувиар унасан шалтгаан

Өчигдөр Apple Inc компани ээлжит улирлын тайлангаа танилцууллаа. Тайлангийн голлох үзүүлэлтүүд шинжээчдийн таамаглалыг давсан ч дараагийн улиралд борлуулалтын орлого муудаж болзошгүй хэмээн компанийн удирдлагууд мэдэгдсэнээр бирж хаагдсаны дараах арилжаагаар хувьцааны ханш нь 3.39 хувиар унажээ.

Apple компанийн голлох үзүүлэлт, шинжээчдийн таамаглал:

Нэгж хувьцаанд ногдох ашиг:

• 1.46 ам.доллар /тайлан/
• 1.39 ам.доллар /хүлээлт/

Орлого:

• 89.5 тэрбум ам.доллар /тайлан/
• 89.28 тэрбум ам.доллар /хүлээлт/

Шинжээчид ирэх улиралд тус компанийн борлуулалтын орлогыг өмнөх оны мөн үеэс 5 хувийн өсөлттэй буюу 122.98 тэрбум ам.долларт хүрнэ   гэж хүлээж байгаа бол тус компанийн санхүү хариуцсан захирал Luca Maestri-ийн хэлснээр борлуулалтын орлого өнгөрсөн оны мөн үетэй ойролцоо эсвэл бага гарч болзошгүй хэмээжээ.

Apple компанийн гүйцэтгэх захирал Tim Cook CNBC-д өгсөн ярилцлагадаа, iPhone 15 гар утасны борлуулалт iPhone 14-тэй харьцуулахад сайн байгааг онцолжээ.

Мөн хамгийн үнэтэй iPhone 15 Pro болон Pro Max гар утаснуудын эрэлт өндөр байгаагаас шалтгаалж нийлүүлэлт саатаж байгааг мэдэгдсэн байна.